Honor 7x. Բազմապատկի´ր հնարավորություններդ նոր սմարթֆոնով
Իհարկե, սմարթֆոնների ժամանակակից աշխարհում դժվար է կողմնորոշվել ընտրություն կատարելու հարցում, սակայն մենք ևս մեկ անգամ հեշտացրել ենք այն: Դե ինչ, Ձեզ ենք ներկայացնում նոր Honor 7x-ը՝ հզոր, նրբագեղ և միևնույն ժամանակ բյուջետային:
Նախ և առաջ եկեք խոսենք սմարթֆոնի անչափ տպավորիչ արտաքին դիզայնից: Միայն էկրանից կարելի է մտածել, որ այն ստեղծված է հարմարավետության ու որակի գեղեցիկ համադրությամբ: Այն հսկայական 5.93 դյույմ էկրան է, սակայն, միևնույն ժամանակ այն չի մեծացնում հեռախոսի չափը, քանի որ այստեղ չկան շրջանակներ: Կորավուն էկրանը՝ 2160 x 1080 FHD+ կետայնությամբ, թույլ կտա հեշտությամբ բռնել հեռախոսը և կապահովի իդեալական որակ ցանկացած գործողություն կատարելիս: Այսպես Դուք կարող եք կառավարել այն մեկ ձեռքով և վայելել ամեն ինչ՝ առանց գրպանում մի կերպ տեղավորելու:
Այժմ տեսնենք, թե ինչպիսին է հեռախոսի իրանը: Honor 7x-ն ունի ամուր մետաղական իրան՝ կապույտ, ոսկեգույն ու սև գունային լուծումներով: Շնորհիվ նրբագեղ դիզայնի՝ առջևի կողմից այս գույները տեսանելի չեն, սակայն բոլորն էլ հաճելիորեն համադրվում են ամբողջական էկրանի հետ: Սմարթֆոնի իրանի վրա տեղադրված են երկակի տեսախցիկն ու մատնահետքի սքաները: Ամրության ու գեղեցկության այս միավորմամբ՝ Honor 7x-ը կգրավի բոլորի ուշադրությունը և կդառնա ցանկալի ձեռքբերում:
Հեռախոսի տեսախցիկները ներկայանում են 16 + 2ՄՊ հզորությամբ՝ Ձեր կյանքի անմոռանալի պահերը հաճույքով ֆիքսելու համար: Բաց մի թողեք ցանկացած կարևոր ակնթարթ որակյալ լուսանկարով հավերժացնելու հնարավորությունը: Երկակի տեսախցիկը թույլ կտա իրականացնել դա տարբեր ռեժիմներով ու բարձր որակով: Portrait ռեժիմ, ժեստերի լեզու և այլ հնարավորություններ, որոնք կօգնեն Ձեզ լուսանկարել ինչպես իսկական վարպետ: 16ՄՊ տեսախցիկը կկենտրոնանա հիմնական լուսանկարվող առարկայի վրա, իսկ 2 մեգապիքսելանին՝ էֆֆեկտների վրա: Դե իսկ սելֆիի սիրահարների համար կա որակյալ 8ՄՊ առջևի տեսախցիկ:
Այժմ բացահայտենք հեռախոսի «ներքին» աշխարհը: Գերհզոր այս սմարթֆոնն ունի 8 միջուկանի 2.36ԳՀց Kirin 659 պրոցեսոր եւ 4ԳԲ օպերատիվ հիշողություն (RAM): Այս ամենը թույլ կտա Ձեզ օգտվել Ձեր սիրելի կայքերից, դիտել ֆիլմեր, խաղալ բազմաժանր խաղեր և պարզապես վայելել կյանքը Ձեր նոր սմարթֆոնով: Դե իսկ հեռախոսի հզոր հիշողությունը կօգնի Ձեզ պահել ողջ անհրաժեշտ տեղեկատվությունը, որի գաղտնիությունը կապահովի մատնահետքի գերարագ ապակոդավորվող սքաները: Հավելյալ հիշողության համար կարող եք պարզապես ձեռք բերել հիշողության չիպեր:
Բոլորի համար կա հեռախոսի մի կարևոր բնորոշիչ ևս, որով մեծապես պայմանավորված է նրա մասին հետաքրքրությունը կամ ձեռք բերելու ցանկությունը: Խոսքը մարտկոցի երկար աշխատանքի ու արագ լիցքավորվելու մասին է: Այս ամենը կապահովվի շնորհիվ 3,340 mAh մարտկոցի և մարտկոցը խնայող տեխնոլոգիայի: Եթե Ձեզ երկար աշխատանք է սպասվում, ապա կարող եք գործի դնել Ultra Power Saving ռեժիմը: Միշտ եղեք ռիթմի մեջ և մի կորցրեք կապն ընկերների հետ:
Եվ մի կարևոր բան ևս: Ձեռք բերելով Ձեր նոր սմարթֆոնը, կարող եք չանհանգստանալ հին հեռախոսում գտնվող նյութերի մասին, քանի որ դրանք կարելի է հեշտությամբ տեղափոխել՝ պարզապես սքանավորելով QR կոդը Phone Clone հավելվածի միջոցով:
Դե ինչ, տպավորվա՞ծ ու հետաքրքրվա՞ծ եք: Սմարթֆոնի որակից այս օրերին հաճախ կախված է լինում նաև մեր կյանքի որակը: Վայելե´ք կյանքը նոր ռիթմով ու գույներով: Իմացեք ավելին՝ սեղմելով այստեղ:
