Huawei-ի «Խելացի քաղաք» նախագիծը փորձնական կներդրվի նաեւ Հայաստանում
ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը դեկտեմբերի 13-ին ընդունել է տեղեկատվական տեխնոլոգիաների ոլորտում համաշխարհային ճանաչում ունեցող «Հուավեյ թեքնոլոջիս» (Huawei tecnhnologies ) ընկերության ներկայացուցիչներին։
Հանդիպման ընթացքում կողմերը քննարկել են «Խելացի քաղաք» պիլոտային նախագծի իրականացման հետ կապված մի շարք հարցեր: Այս ամիս նախարարության և «Հուավեյ թեքնոլոջիս» ընկերության միջև ստորագրվել է փոխըմբռնման հուշագիր՝ ծրագրի իրականացման վերաբերյալ։
«Խելացի քաղաք»-ը Huawei չինական ընկերության գաղափարն է, որի նպատակն է տեղեկատվական-կոմունիկացիոն տեխնոլոգիաների միջոցով քաղաքային բնակչության կյանքը եւ կենցաղը դարձնել առավել հեշտ, մատչելի, անվտանգ, իսկ քաղաքային ծառայությունների մակարդակը՝ ավելի բարձր: Կարճ ասաց՝ գաղափարի հիմնական կոնցեպտը քաղաքային կառավարման ինտելեկտուալիզացիան է:
Այսօր, աշխարհի ավելի քան 2500 մեծ եւ փոքր քաղաքներ զինվել են այդ կոնցեպտով եւ փորձում են իրականություն դարձնել այն:
